Messan: Alltaf gott að skora | Myndband

„Hér minnir Gylfi aftur á sig. Setjum við hann þá ekki aftur í byrjunarliðið næst,“ sagði Guðmundur Benediktsson í Messunni í gær um Gylfa Þór Sigurðsson sem kom inn á sem varamaður hjá Tottenham í gærkvöldi og skoraði á móti Sunderland.

„Takturinn hefur verið þannig hjá Tim Sherwood. Þeir sem koma inn á og skora hafa dottið í liðið. Það er alveg hundleiðinlegt að koma inn á sem varamaður en það bjargar alveg svakalega miklu að skora þó svo það sé fimmta markið,“ sagði BjarniGuðjónsson og Hjörvar Hafliðason tók undir það.

„Það er alltaf gott að bæta við marki á ferilskrána. Menn horfa mikið á það hver skorar og svona og þá er ekkert verið að spá í því hvort það hafi verið skorað í 5-1 sigri á móti Sunderland.“

Alla umræðuna má sjá í spilaranum hér að ofan.