Phillips leggur skóna á hilluna

Markamaskínan Kevin Phillips hjálpaði Leicester City að komast upp í ensku úrvalsdeildina í vetur en hann mun ekki spila með þeim þar.

Phillips tilkynnti nefnilega í dag að hann væri búinn að leggja skóna á hilluna. Kappinn er orðinn fertugur og mun verða í þjálfarateymi félagsins á næstu leiktíð.

Hann skoraði markið sem kom Crystal Palace upp í úrvalsdeildina fyrir ári síðan og nú hjálpaði hann Leicester.

Phillips, sem spilaði átta landsleiki fyrir England, er síðasti Englendingurinn sem náði þeim árangri að verða markakóngur ensku úrvalsdeildarinnar. Hann skoraði 30 mörk fyrir Sunderland leiktíðina 1999-2000.