Hvernig fór Balotelli að þessu? | Myndband

Mario Balotelli var ekki á skotskónum þegar Liverpool vann ótrúlegan 3-2 sigur á QPR í ensku úrvalsdeildinni í dag.

Balotelli hefur enn ekki skorað mark í ensku úrvalsdeildinni síðan hann kom til Liverpool í sumar en hann fær varla betri færi til þess en hann fékk í dag.

Balotelli hefur skorað aðeins eitt mark í síðustu 20 leikjum sínum í ensku úrvalsdeildinni en átt samtals 39 skot í þeim leikjum. Hann hefur alls leikið tíu leiki í röð án þess að skora.

Sjáðu klúðrið ótrúlega hér fyrir neðan.