Man. City heldur eltingarleiknum áfram | Myndband

Man. City heldur áfram að elta Chelsea en City vann öruggan sigur eftir að hafa lent undir snemma leiks gegn Sunderland.

City lenti í basli í upphafi leiks er Connow Wickham kom Sunderland yfir. City þurfti þó ekki að örvænta enda með Sergio Aguero í sínu liði.

Hann jafnaði leikinn um hæl. Hans 29. mark í síðustu 33 leikjum. Hann er svolítið heitur kallinn.

Í síðari hálfleik tók City svo yfir leikinn og kláraði hann með stæl.

Chelsea sem fyrr með sex stiga forskot á toppi deildarinnar en City neitar að gefast upp.