Íslendingar borða næstmest af osti í heiminum

Íslendingar innbyrða næst mest af osti í heiminum samkvæmt samantekt The Independent. Það kemur ekki á óvart að Frakkar fari fyrir þjóðum heimsins þegar kemur að því að innbyrða osta. 

Meðal Fransmaðurinn neytir tæpra 26 kílógramma af osti á ársgrundvelli en meðal Íslendingur borðar um 25,2 kílógrömm. Næstir á eftir okkur eru Finnar og Svíar reka lestina á topp tíu listanum.

Til gamans má nefna að Bretar, sem framleiða flestar tegundir osta í heiminum, neyta lítilla 11,6 kílóa á ári og Bandaríkjamenn borða 15,4 kílógramma.

Efstu tíu þjóðirnar (í kílógrömmum):

1. Frakkland 25,9

2. Ísland 25,2

3. Finnland 24,7

4. Þýskaland 24,2

5. Eistland 21,7

6. Sviss 21,3

7. Ítalía 20,7

8. Litháen 20,1

9. Austurríkki 19,9

10. Svíþjóð 19,8