Stormspá er á flestum miðum

Gúmmíbjörgunarbátur losnaði af togara, sem fékk á sig tvö brot þegar hann var á siglingu á utanverðum Húnaflóa í nótt.

Bátinn blés upp og slitnaði hann frá togaranum í sjóganginum. Neyðarsendir björgunarbátsins fór í gang og sendir af og til neyðarskeyti, en ekki var viðlit að reyna að hafa uppi á bátnum í myrkri og sjógangi í nótt.

Þá leituðu þrjú grænlensk fiskiskip vars undir Grænuhlíð við Ísafjarðardjúp vegna óveðurs og er eitt þeirra nú komið til hafnar á Ísafirði og annað í Bolungarvík. Stormspá er á flestum miðum og djúpum umhverfis landið.