Menning

Tinna aftur á leiksviðið

Jakob Bjarnar skrifar
Tinna á samlestri. Vigdís Hrefna Pálsdóttir, Eggert Þorleifsson, Guðrún Gísladóttir, Baldur Trausti Hreinsson og Tinna Gunnlaugsdóttir.
Tinna á samlestri. Vigdís Hrefna Pálsdóttir, Eggert Þorleifsson, Guðrún Gísladóttir, Baldur Trausti Hreinsson og Tinna Gunnlaugsdóttir. visir/stefán
Fyrsti samlestur á Sjálfstæðu fólki var í morgun. Þorleifur Örn Arnarson leikstjóri mun leikstýra jólasýningu Þjóðleikhússins.

Mikil eftirvænting var ríkjandi í Þjóðleikhúsinu nú í morgun þegar leikstjórinn Þorleifur Örn leikstjóri, sviðslistamenn Þjóðleikhússins og leikarar komu saman til fyrsta samlesturs; jólasýning Þjóðleikhússins verður leikgerð byggð á einu helsta stórvirki nóbelsskáldsins Halldórs Laxness, Sjálfstæðu fólki, og er öllu til tjaldað.

Feðgarnir Þorleifur Örn og Arnar Jónsson. Leikstjórinn ungi hefur starfað í Þýskalandi að undanförnu og unnið þar hvern sigurinn á fætur öðrum með eftirtektarverðum sýningum sínum.visir/stefán
Sérstaka athygli vekur að Þjóðleikhússtjóri sjálfur, Tinna Gunnlaugsdóttir, fer með hlutverk í sýningunni en hún lætur af störfum sem Þjóðleikhússtjóri um áramót eftir tíu ár í brúnni þar. Frumsýnt verður 2. í jólum.

Meðal annarra leikara eru svo faðir leikstjórans, stórleikarinn Arnar Jónsson og svo sonur leikhússtjórans, Ólafur Egill Egilsson, auk þeirra Elmu Stefaníu Ágústsdóttur og Atla Rafns Sigurðssonar (Bjartur), svo einhver séu nefnd. En, Atli Rafn fór einmitt með aðalhlutverk í Englum alheims, rómaðri sýningu sem Þorleifur setti nýverið upp í Þjóðleikhúsinu.

Þorleifur Örn talar við hópinn en öllu er til tjaldað, jólasýning Þjóðleikhússins er hápunktur leikársins hverju sinni.
Félagarnir Þorleifur Örn og Atli Rafn, sem voru í miklum ham, báðir tveir, við uppsetningu á rómaðri sýningu, Englum alheimsins, eftir Einar Má Guðmundsson.visir/stefán
Leikhússtjórinn Tinna ávarpaði hópinn áður en samlestur hófst, en settist svo niður sem leikkona. Með henni á myndinni er Vytautas Narbutas leikmyndahönnuður.visir/stefán
Menning


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.