Gylfi ekki á förum frá Tottenham

Ekkert tilboð hefur verið samþykkt í Gylfa Sigurðsson. Bróðir Gylfa segir ekkert vera hæft í fréttum breskra miðla að tilboði Crystal Palace hafi verið tekið. Þetta kemur fram á vef RÚV.

Ólafur Már Sigurðsson segir Gylfa vera ánægðan hjá Tottenham og mikið þurfi að gerast til að hann fari þaðan.

Vefurinn The Five Year Plan, stuðningsmannasíða Crystal Palace hafði sagt frá því að Crystal Palace hafi boðið átta milljónir í Gylfa og það hafi verið samþykkt. Síðan er sögð vel tengd innan Crystal Palace.