Styrktartónleikar UNICEF í Hörpu

Næsta fimmtudagskvöld fara fram stórtónleikar í Hörpu til styrktar neyðarhjálp UNICEF í Suður-Súdan.

Á tónleikunum kemur fram fjöldinn allur af listafólki en hljómsveitirnar Hjaltalín og Kaleo stíga á stokk ásamt Snorra Helgasyni og Páli Óskari.

„Þar sem styrjaldarátök brjótast út eru fórnarlömbin alltaf börn. Þau eru alltaf fyrst í röðinni. Okkur ber skylda til að rétta þeim hjálparhönd,“ segir Páll Óskar en hann hefur verið ötull stuðningsmaður UNICEF um árabil.

Tónleikarnir fara fram í Hörpu næsta fimmtudag klukkan 21:00 og miða má nálgast á heimasíðu midi.is.