Danskur sóknarmaður semur við Stjörnuna

Stjarnan heldur áfram að sækja sér liðsstyrk til Danmerkur en Garðabæjarfélagið er búið að ganga frá samningi við JeppeHansen, 25 ára gamla Dana sem kemur frá OB.

Þetta kemur fram á vefsíðu silfurskeiðarinnar, stuðningsmannafélags Stjörnunnar, en Hansen á að baki tíu leiki með OB og hefur skorað í þeim þrjú mörk.

Hansen lék einnig með Næsby og Otterup í neðri deildum danska boltans og skoraði þar 28 mörk á tveimur leiktíðum en fram kemur á heimasíðu silfurskeiðarinnar um sé að ræða hávaxinn og snöggan framherja.

Samningurinn gildir aðeins til 1. júlí en Daninn á að styrkja sóknarleik Stjörnunnar í fjarveru framherjaparsins GarðarsJóhannssonar og Veigars Páls Gunnarssonar. Garðar byrjaði mótið meiddur en Veigar meiddist í fyrsta leik gegn Fylki.

Stjörninni býðst að framlengja samninginn 1. júlí en fer það væntanlega eftir stöðunni á hópnum þegar hann rennur út. Vonast er til að Hansen verði kominn með leikheimild fyrir leikinn gegn ÍBV á morgun.