Stútar á ferðinni í nótt

Lögreglumenn stöðvuðu akstur bíls sem ekið var á 121 kílómetra hraða í nótt. Ökumaður bifreiðarinnar reyndist undir áhrifum áfengis. Þá var hann sviptur ökuréttindum til bráðabirgða vega ósamvinnu varðandi sýnagjöf. Hann var einnig grunaður um akstur undir áhrifum fíkniefna, en það mun ekki koma í ljós fyrr en niðurstöður liggja fyrir varðandi blóðsýni.

Þá stöðvuðu ökumenn bíl á Vatnsveituvegi, en ökumaður hans reyndist ölvaður og undir áhrifum fíkniefna. Annar ökumaður var stöðvaður á Hafnarfjarðarvegi. Hann blés í áfengismæli sem sýndi 2,15 prómill. Ökumaðurinn var tekinn úr umferð og færður til blóðsýnistöku.

Tveir menn sátu í bíl við bar í Kópavogi en yfirgáfu hann og köstuðu einhverju frá sér þegar þeir urðu lögreglu varir. Við athugun kom í ljós að þeir voru með fíkniefni í fórum sínum. Efnið var talið vera amfetamín. Mennirnir eru báðir á fertugsaldri og voru í annarlegu ástandi. Þeir veittu mótspyrnu við handtöku og voru báðir vistaðir í fangageymslu.

Slökkvilið var kallað út vegna elds í viðhaldsverkstæði fiskvinnslu við Fiskislóð. Greiðlega gekk að slökkva eldinn en óvíst er með skemmdir.