Kraftaverk ef við höldum okkur uppi

Sunderland stefnir hraðbyri niður um deild á Englandi en liðið tapaði 5-1 fyrir Tottenham í úrvalsdeildinni í gærkvöldi og er nú sjö stigum frá öruggu sæti. Það á þó tvo leiki til góða.

„Stundum lýgur taflan ekki. Það kraftaverk til að við höldum okkur uppi. Það er erfitt að taka þessu,“ sagði Gus Poyet, knattspyrnustjóri Sunderland, eftir tapið í gærkvöldi.

Hann tók við liðinu af Paolo Di Canio í október en gengið hefur verið slakt á tímabilinu og það aldrei komist almennilega í gang.

„Þið getið rétt ímyndað ykkur hvernig þeta er fyrir stuðningsmennina. En það er ekkert hægt að fela sig. Ég ber ábyrgð á þessu því ég stýri liðinu og ég tek fulla ábyrgð,“ sagði Gus Poyet.