Mér líður ekki illa með að vera fyrirsæta í yfirstærð

„Ég er plús-size fyrirsæta eða fyrirsæta í yfirstærð. Ef þú ert körví eða í stærri fatastærð en númer 10 þá ertu kölluð plús size-fyrirsæta," útskýrir María Jimenez Pacifico, 23 ára, sem leggur stund á leiklistarnám í Kvikmyndaskóla Íslands samhliða fyrirsætustörfum.

Nóg að gera hjá Maríu

„Það er búið að vera mikið að gera hjá mér á Íslandi síðastliðið ár eftir að ég sat fyrir í Nude magasín, hjá Sigrúnu Lilju og Karli Berndsen. Núna er ég til dæmis að fara að sitja fyrir hjá bresku fyrirtæki, Lunasurf wetsuits," segir María.

Skráði sig hjá Eskimo

Af hverju byrjaðir þú að sitja fyrir? „Ég byrjaði að vinna sem fyrirsæta þegar ég var yngri. Fólk hvatti mig til að fara í bransann. Ég var til dæmis beðin um að keppa í ungfrú Kólumbíu en ég var alltof og ung þá, aðeins 17 ára. Þá var ég ekki tilbúin. En svo skráði ég mig hjá Eskimo models í fyrra og eftir það var haft samband og ég beðin að taka þátt í ýmsum verkefnum."

Fegurðin kemur í öllum stærðum 

„Mér líður bara mjög vel með að vera í yfirstærð því fegurðin kemur í öllum stærðum. Eins og sagt er á ensku „Beauty comes in all sizes". Mér líður ekki illa með að vera fyrirsæta í yfirstærð. Svo eru svo margar ungar stelpur sem eru ekki ánægðar með sjálfa sig út af nokkrum kílóum. Ég vil segja við þær: Elskið ykkur eins og þið eruð – love your own skin. Ef guð gefur þér þennan líkama skaltu elska hann nákvæmlega eins og hann er,“ segir María.

María vakti athygli okkar þegar hún birtist á síðu ítalska VOGUE - sjá hér. 

 

Ekki láta útlitið stoppa þig 

Eitthvað að lokum?„Ekki láta neitt stoppa þig út af útlitinu eða af því að þér finnst þú vera of þung eða af því að þú ert með mjúkan líkama. Eltu drauma þína. Ef þú hefur ástríðu fyrir einhverju áttu að vinna í því að láta drauma þína rætast hvort sem það er fyrirsætubransinn eða eitthvað annað í lífinu."

Heimasíða Maríu - sjá hér.