Dagurinn sem Whitney dó

Dave Grohl, Katy Perry og Taylor Swift eru á meðal tónlistarmanna sem ræða um daginn sem Whitney Houston dó í nýrri heimildarmynd um söngkonuna.

Myndin heitir The Grammys Will Go On: A Death In the Family. Hún kemur út ári eftir að Houston drukknaði í baðkari á hótelherbergi í Los Angeles kvöldið fyrir Grammy-verðlaunin.

Aðrir sem koma fram í heimildarmyndinni eru Bruce Springsteen, Bruno Mars og LL Cool J, sem fór með bæn fyrir Houston í upphafi Grammy-athafnarinnar í fyrra. Myndin kemur út 9. febrúar en Grammy-verðlaunin verða haldin daginn eftir.