Skvísa á sjötugsaldri

Leikkonan Goldie Hawn gerði sér lítið fyrir og skellti sér í frí með sínum heittelskaða, leikaranum Kurt Russell, til Puerto Aventuras í Mexíkó fyrir stuttu.

Goldie, sem er 67 ára gömul, spókaði sig um í eldrauðum sundbol og gaf meðal annars höfrungum að borða með Kurt.

Skötuhjúin hafa verið saman í þrjátíu ár en hafa aldrei gengið í það heilaga. Þetta hlýtur að vera eitt langlífasta Hollywood-samband í sögunni.

Kurt og Goldie kynntust á setti myndarinnar The One and Only, Original Genuine Family Band árið 1968 en þau byrjuðu ekki að deita fyrr en þau unnu saman í myndinni Swing Shift árið 1983.

Þú gætir unnið - vertu með okkur á Facebook.