„Það er ágætt að minna fólk á að gleyma ekki smáfuglunum þegar það fer að vetra,“ segir Ellen Magnúsdóttir fuglafræðingur. Hún segir þó nokkuð um það að fólk gefi smáfuglunum til að hjálpa þeim.

Hún segir fuglana koma í garða til fólks, sérstaklega þegar það sé frost og kuldi. „Það er gott fyrir þá að fá mat. Það er líka mikið af fólki sem gefur fuglunum upp á eigin ánægju og því finnst gaman að horfa á fuglana.

Ellen segir að það sé hægt að gefa þeim ýmislegt að borða. Til dæmis fuglafóður og mjöl kúlur sem fást í gæludýraverslunum. Hún segir að það sé í raun hægt að gefa þeim allt, helst eitthvað fitumikið. Það sé til dæmis sniðugt að setja smjör á brauð áður en fuglunum sé gefið það.

Hún segir þetta vera skógarþresti, starra, auðnutittlinga og snjótittlinga. Auðnutittlingarnir og snjótittlingarnir sæki mikið í fræ en hinir í annað. Hún segir ekki algengt að hrafnar komi í garða, þeir vilji frekar koma á opnari svæði.

Ellen segir að fólk þurfi ekki að hafa áhyggjur af mávunum. Sílamávurinn sem sé mesti vargurinn sé farinn af landi og hettumávarnir sæki ekkert að viti inn í garða fólk