Verð alveg eins og ný á eftir

Magdalena Sara fyrirsæta sem stödd er í Lundúnum þar sem hún starfar sem fyrirsæta leyfði okkur að kíkja í snyrtibudduna sína ásamt því að segja okkur hvernig henni gengur að landa fyrirsætuverkefnum víðs vegar um heiminn. 

Silica Mud Mask frá Bláa Lóninu

„Ég set þennan á húðina sirka tvisvar í viku. Hann hreinsar mjög vel og ég verð alveg eins og ný á eftir." 

Sensai Kanebo púður

„Það er létt og þægilegt púður sem er ómissandi á sumrin." 

Mineralize concealer frá Mac

„Ég gjörsamlega elska þennan og hann hylur mjög vel."

     

Blue lagoon Icelandic formula cleanser & toner

„Ég nota þennan á hverju kvöldi til að hreinsa húðina. Ofsalega þægilegt og gott fyrir húðina." 

Blue lagoon Hydrating 24h serum

„Það er mjög létt og frískandi rakakrem sem er alls ekki of feitt og húðin verður silkimjúk á eftir." 

Maybelline maskarinn

„Þessi er algjörlega uppáhaldið mitt. Ég hef prófað marga en einhvern veginn enda ég alltaf á þessum." 

Sat fyrir hjá ELLE

Hvar í heiminum ertu aðallega að vinna? „Ég byrjaði sumarið í París og þar fór ég til dæmis í myndatöku fyrir franska ELLE tímaritið. Eftir það fór ég til Mílanó og var þar í ýmsum verkefnum eins og „lookbook", magasín og „showroom". Núna er ég í London en ég er búin að vera hér í rúma viku."

Pósaði með breskum leikara

„Ég er til dæmis búin að vinna fyrir Burberry en ég var í töku fyrir heimasíðuna þeirra. Svo fór ég í skemmtilega myndatöku með Mark Strong breska leikaranum sem hefur leikið í mörgum þekktum myndum. Þetta er búið að vera mjög viðburðaríkt og skemmtilegt sumar en ég kem svo heim í skólann núna í lok ágúst."