Eftir allt sukkið í desember þarf maður næringu fyrir húðina

"Ég er algjör make-up junkie og starfs mín vegna prófa ég fullt af tegundum enda á maður ekki að nota sama kremið eða sama meikið allan ársins hring þar sem veðrabreytingar eru svo miklar á Íslandi, " svarar Eva Dögg Sigurgeirsdóttir eigandi Tiska.is spurð um sex ómissandi snyrti- og hárvörur sem hún notar að staðaldri.

"Ég fer á 4 - 5 vikna fresti til hárgreiðslukonunnar minnar til að laga hárið. Ef hárið er ekki tip top þá líður mér illa. Ég nota Tigi vörurnar mikið og þetta er nauðsynlegt."

"Nú svo er ég svo algjörlega kolfallin fyrir Ojon sjampóinu og næringunni sem er að slá í gegn úti í heimi en fæst því miður ekki hérlendis en ég kaupi það í Bandaríkjunum ."

"Ég er búin að vera að prófa þessar Maroccan olíur og þessi hér frá SILK er búin að heilla mig upp úr skónum og fer vel með hárið á mér því sumar af þessum olíum skemma hárlitinn en þessi er super. "

"Eftir allt sukkið í desember í konfekti, mat, drykk og svefninn á hvolfi þarf maður næringu fyrir húðina. Ég ákvað að taka smá treat á þetta núna til að fríska mig aðeins við á nýju ári. Leynitrixið frá Guerlain er Midnight Secret. Þetta setur maður á sig ef maður er þreyttur og illa fyrir kallaður og viti menn ég vakna eins og skvísurnar í Dynasty. Þetta er snilld eftir mikið álag sem má nota nokkrum sinnum í viku. Mjög gott að eiga á ferðalögum eða ef maður er að fara á mannfögnuð. Þetta er hálfgerð viðgerð sem er stundum kölluð "góður svefn í flösku". Húðin mín fær aukinn kraft og ljóma sem ég segi sko aldrei nei við."

"Ég elska maska og hef notað þennan reglulega. Hann er nauðsynlegur í ferðalagið. Það besta er að það má sofa með hann. Þessi er instant lýtaaðgerð."

"Ég er að prófa mig áfram í íslensku deildinni og er núna í Egf dropunum. Gott að prófa allt saman til að vita muninn, næst fer ég í Zopure dropana en svo er gott að vera með dass af gleði á náttborðinu og taka tvöfaldan skammt á morgnana."

Vefsíða Evu Tiska.is.

Hér má sjá hvaða snyrtivörur Ebba notar.