Notar krem stútfullt af andoxunarefnum

Ingunn Jónsdóttir vöruhönnuður og starfsmaður nýsköpunardeildar Matís er stórglæsileg kona sem hefur nóg að gera samhliða móðurhlutverkinu. Við forvitnuðumst hvaða snyrtivörur hún notar dags daglega.

UNA skincare kremið

"Yndislegt krem sem kemur bæði sem dag- og næturkrem. Auk þess að vera stútfullt af lífvirkum, uppbyggjandi og andoxunarefnum er það laust við öll paraben efni og önnur óæskileg efni. Svo er það líka íslensk nýsköpun og framleiðsla."

Dior nude glow

" Ofsalega fallegt sólarpúður sem gefur manni smá líf í andlitið í svartasta og kaldasta skammdeginu."

Kókosolía frá Jurta apótekinu

"Ég nota þessa olíu í allt svei mér þá. Til þess að þrífa farða af andliti og augum, ég nota hana á líkamann, eftir sturtu, set hana í hárið þegar það er þurrt, nota hana sem sólarvörn á sumrin, smyr henni á börnin mín til að verja þau fyrir kulda og sól. Ég gæti haldið endalaust áfram."

Loreal telescope maskari (brúnn)

"Svona til að skerpa aðeins augnumgjörðina þar sem hún á það til að verða næstum ósýnileg hjá okkur ljóshærða fólkinu."

Kanebo Total finish púðrið

"Það er létt og áferðarfallegt og nauðsynlegt til að jafna aðeins húðlitinn í kuldaátökum vetrarins."