Hárið hefur styrkst og orðið heilbrigðara

Sólveig Pálmadóttir hársnyrtimeistari og viðskiptalögfræðingur á Selfossi upplýsir okkur hvaða hár- og snyrtivörur hún notar.

Moroccan olía

"Ég nota Moroccan olíuna í blautt hárið og svo ber ég það aftur í þegar það er orðið þurrt, hvort sem ég hef leyft því að þorna í bylgjunum sínum eða blásið það slétt. Þar sem ég er með strípur og lit í síða hárinu mínu þá hugsa ég mjög vel um það, kaupi til dæmis aldrei hárvörur annarsstaðar en á stofum. Eftir að ég byrjaði að nota Moroccan olíuna þá hefur það bæði styrkst og orðið heilbrigðara. Ég á nokkrar vinkonur sem bera olíuna á andlitið líka ef það er þurrt."

Nee Make – up Milano

"Litaða dagkremið frá Nee er mitt uppáhald. Ef mig langar að vera extra fín þá set ég á mig létta umferð af Nee kökumeikinu. En Nee förðunarvörurnar sem eru tiltölulega nýlegar hér á landi eru virkilega flottar og góðar. Ég gæti til dæmis ekki verið án glossins frá þeim og á því nokkur stykki, eitt í veskinu, annað í bílnum og þriðja í jakkanum."

L'Oreal Double Extension

"Maskarinn sem ég enda alltaf á að versla aftur eftir að hafa prófað aðrar tegundir er svarti tvöfaldi L'Oreal Double Extension. Ég vil hafa augnahárin mín falleg því oft er það eina förðunin sem ég set á mig yfir daginn, auk dagkrems. Fyrst ber ég næringuna á augnahárin, hvíta hlutann og læt hana þorna vel áður en ég set ég maskarann á. Magnið fer eftir því hvað ég er að fara að gera."

ZoPure

"Bestu serum dropar sem ég hef notað á andlitið. Fyrir svefninn nudda ég þeim vel inn í húðina. Þessir lúxusdropar eru hrein dásemd."

Signature of Nature

"Ljómunarmeðferðin sem ég versla af og til á Heima Spa barnum í Signature of Nature versluninni í Smáralind. Þá djúphreinsa ég húðina, hún fær góða næringu, fyllist af raka og á eftir ljómar hún. Það besta er að hún er ódýr og það fylgja henni góðar leiðbeiningar."