Ofurfyrirsæta á Íslandi

Fyrirsætan Karlie Kloss var stödd hér á landi um helgina ásamt fjölskyldu sinni og kærasta, fjárfestinum Joshua Kushner.

Kloss deildi myndum af sér í íslenskri náttúru á samskiptavefnum Instagram þar sem hún lýsir yfir hrifningu sinni á landi og þjóð.

Fyrirsætan mun meðal annars hafa farið í fjórhjólaferð um Fljótdalshérað á meðan hún var stödd hér.

Kloss er fræg fyrir að hafa gengið tískupallana fyrir Victoria´s Secret, og Christian Dior.

Hana má nú sjá í auglýsingum fyrir tískurisann Louis Vuitton en hún var í öðru sæti yfir frægustu fyrirsætur í heimi hjá Models.com.