Sætt að hafa bætt metið

Frank Lampard var að vonum í skýjunum eftir sigurinn á Aston Villa í dag enda var hann að bæta markamet félagsins og tryggja liðinu inn í Meistaradeildina á næstu leiktíð.

"Það hefur lengi verið talað um þetta met og það er mjög sætt að hafa loksins ná að bæta metið. Ekki verra að gera það í svona mikilvægum leik," sagði Lampard brosandi en hann er samningslaus í sumar.

"Það kemur í ljós eftir leiktíðina hvað verður um mig."

Rafa Benitez, stjóri Chelsea, hrósaði Lampard eftir leik: "Þetta er einstakt afrek hjá honum. Það er lyginni líkast að hann hafi skorað svona mörg mörk."

John Terry meiddist á ökkla í leiknum og er óvissa um hversu alvarleg meiðslin séu. Eden Hazard fór einnig meiddur af velli.