Marin og blá partípía

Partípían Lindsay Lohan skellti sér á ströndina í Rio de Janeiro um páskana en hún hefur dvalið í Brasilíu síðustu daga. Það vakti athygli viðstaddra að stelpan var öll marin og blá.

Ekki er ljóst hvað gerðist fyrir stúlkuna en líklegast eru þetta partímarblettir þar sem Lindsay hefur verið ansi dugleg á djamminu í Brasilíu.

Lindsay hefur verið handtekin sex sinnum á síðustu tíu árum og var nýlega dæmd í níutíu daga meðferð vegna þess að hún laug að lögreglumönnum sem rannsökuðu árekstur sem hún lenti í í júní á síðasta ári.

Hún mun væntanlega tékka sig inn í meðferð á næstunni en hefur notað tímann vel í Brasilíu áður en hún fórnar frelsinu.

Dragðu Tarotspil dagsins hér.