Suri gæti eignast systkini

Leikkonan Katie Holmes hefur nóg að gera að snúast í kringum sex ára dóttur sína Suri Cruise en útilokar ekki frekari barneignir í framtíðinni.

"Ég veit það ekki. Ég er opin fyrir því," segir Katie sem skildi við stórleikarann Tom Cruise á síðasta ári. Kate lék nýverið í leikritinu Dead Accounts og er þakklát fyrir það tækifæri.

"Ég var opin fyrir öllum sem vildu mig. En það var alltaf takmark mitt að komast aftur á svið," segir Katie en mikið hefur verið talað um að hún ætli að setja leiklistina á hilluna og fara í lögfræðinám.

"Bróðir minn og faðir eru lögfræðingar. Við skulum sjá til. Ég fíla praktíska hugsun lögfræðinga."

Þú gætir unnið - vertu með okkur á Facebook.