Stjörnurnar styðja dag rauða nefsins

Stjörnuhönnuðurinn og bítladóttirin Stella McCartney hefur hannað línu af stuttermabolum til styrktar degi rauða nefsins. Bolirnir eru fimm talsins og þá prýða frægir einstaklingar í gegnum tíðina, svo sem Bítlarnir, Marilyn Monroe og Kate Moss, öll að sjálfsögðu með rauð nef. Bolirnir eru framleiddir í Afríku úr 100% lífrænni bómull.

Margir þekktir einstaklingar leggja sitt af mörkum þetta árið, en þeir sem sitja fyrir í auglýsingaherferð fyrir dag rauða nefsins eru meða annars Kate Moss, David Walliams,Cameron Diaz, Liv Tyler og fleiri. Einnig lýsti söngkonan Jessie J því yfir fyrir skömmu að hún ætlaði að raka af sér allt hárið fyrir málstaðinn.

www.rednoseday.com