Ofurfyrirsætur flytja inn saman

Orðrómur er uppi um að bresku ofurfyrirsæturnar Cara Delevingne og Georgia May Jagger ætli sér að flytja inn saman. Cara fjárfesti nýlega í húsi Norður – London og hafði hugsað sér að leigja Jagger herbergi þar fyrir 1.200 pund, eða um 240 þúsund krónur á mánuði. Eins og er býr Georgia May með móður sinni Jerry Hall og systkinum í London og Cara hefur hingað til einnig búið hjá fjölskyldu sinni. Nú þegar þær stöllur hafa sigrað fyrirsætuheiminn virðist tímasetningin til að flytja að heiman vera fullkomin.