Skagastrandarmenn lausir úr varðhaldi

Tveir piltar sem höfðu verið úrskurðaðir í gæsluvarðhald, grunaðir um árás á roskinn mann á Skagaströnd um helgina, voru látnir lausir úr gæsluvarðhaldi seinni partinn í gær.

Gæsluvarðhaldsúrskurðurinn féll úr gildi klukkan eitt í dag en ekki þótti þörf á að halda þeim svo lengi. Piltarnir viðurkenndu að hafa ráðist á manninn og samkvæmt upplýsingum frá lögreglunni á Akureyri miðar rannsókn málsins vel og verður það sent ríkissaksóknara til meðferðar innan skamms.

Annar piltanna sem réðst á manninn er barnabarn hans. Maðurinn sætir ásökunum um að hafa beitt hann kynferðisofbeldi fyrir í nokkrum árum.