Hann er sálufélagi minn

Kynbomban Megan Fox er stórglæsileg á forsíðu breska Marie Claire sem kemur í verslanir á fimmtudaginn í Bretlandi. Í viðtali við blaðið talar hún um fjölskyldulífið sem blómstrar.

"Ég hef aldrei fengið viðurkenningu í starfi, með frægð eða í Hollywood. Ég met blessunina sem ég hef hlotið í bransanum en þrár mínar eru uppfylltar þegar ég er með syni mínum," segir Megan um soninn Noah sem hún eignaðist í fyrra með leikaranum Brian Austin Green.

"Ég trúi því að hann sé sálufélagi minn. En það þýðir ekki að við þurfum ekki að vinna í sambandinu því við erum mjög, mjög ólík. Ég reyni ekki að breyta honum í mig og hann veit að hann getur ekki breytt mér í hann. Hann er dásamlegur," segir Megan um ástina í lífi sínu.

Þú gætir unnið - vertu með okkur á Facebook.