Tillaga Bjarna rædd á morgun

Þingsályktunartillaga Bjarna Benediktssonar um að afturkalla ákæru á hendur Geir Haarde, fyrrverandi forsætisráðherra, verður tekin til annarrar umræðu á morgun. Samkvæmt upplýsingum Vísis verða svo greidd atkvæði um hana á fimmtudaginn.

Eins og fram kom í fréttum í dag leggur meirihluti stjórnskipunar- og eftirlitsnefndar Alþingis til að tillögunni verður vísað frá. Þetta er í annað sinn sem slík tillaga er lögð fram en frávísunartillaga sem Magnús Orri Schram, Eygló Harðardóttir, Birgitta Jónsdóttir og Lilja Rafney Magnúsdóttir lögðu fram eftir áramót var felld þann 20. janúar síðastliðinn.

Aðalmeðferð í málinu gegn Geir mun hefjast á mánudag ef tillaga Bjarna hefur ekki verið samþykkt fyrir þann tíma.