Ekki tilefni til að bregðast við

Fjölmiðlanefnd telur ekki tilefni til að bregðast við vegna fyrirspurnar sem Ástþór Magnússon forsetaframbjóðandi sendi nefndinni. Óskar hann eftir áliti nefndarinnar á nokkrum atriðum, fyrst og fremst varðandi Ríkisútvarpið.

„Að gefnu tilefni vill fjölmiðlanefnd koma því á framfæri að athugasemdir Ástþórs Magnússonar, vegna forsetakosninganna, voru teknar fyrir á fundi nefndarinnar 13. apríl sl. Fimm dögum síðar var honum sent svar þar sem meðal annars er bent á að nefndin hafi ekki eftirlit með lögum um Ríkisútvarpið,“ segir í tilkynningu. Einnig kemur fram að nefndin gefi ekki út almennt álit vegna athugasemda sem ekki feli í sér kvörtun um tiltekin brot á lögum um fjölmiðla.- óká