Umfjöllun, viðtöl og einkunnir: Valur - Breiðablik 3-4 Ari Erlingsson á Vodafone-vellinum skrifar 8. ágúst 2012 00:01 Mynd/Stefán Leikur Vals og Breiðabliks í 14 umferð Pepsídeildar karla fer líklegast í sögubækurnar með þeim ótrúlegri sem spilaðir hafa verið hér á landi á seinni árum. Gestirnir úr Kóparvogi höfðu dramatískan 3-4 sigur eftir að hafa lent manni undir og 3-1 undir. Lið Breiðabliks sem hingað til hefur gengið erfiðlega að skora tóks hið ómögulega og skoraði þrjú mörk á síðustu sjö mínútum leiksins. Leikurinn var í jafnvægi í fyrri hálfleik. Gestirnir úr Kóparvogi þó ívið sterkari. Einar mark fyrri hálfleiksins skoruðu hinsvegar heimamenn í Val, var þar að verki Kolbeinn Kárason sem kom boltanum yfir línuna eftir sókn upp hægri kantinn. Staðan 1-0 þegar leikmenn liðanna gengu til búningsherbergja. Seinni hálfleikur var hinsvegar mun fjörugri og skiptust liðin á að sækja. Ákveðin vendipunktur varð í leiknum á 65. mínútu þegar Matthías Guðmundsson slapp einn inn fyrir vörn Breiðabliks eftir stungusendingu Rúnars. Ingvar Kale óð út gegn Matthíasi og virtist fella hann. Magnús Þórisson dæmdi víti og var nauðugur einn sá kostur að vísa Ingvari af velli. Á punktinn steig Rúnar Már Sigurjónsson og brást honum ekki bogalistinn. 2-0 fyrir Valsmenn og staðan dökk hjá Blikunum. Það var því aðeins eitt í stöðunni hjá Blikum, að koma sér strax inn í leikinn. Kristinn Jónsson brást vel við mótlætinu og skoraði mark beint úr hornspyrnu á 70 mínútu, klaufalegt hjá Ólafi í marki Vals en eflaust hefur vindurinn eitthvað tekið í boltann. Við markið efldust Blikarnir og var það því sem blaut tuska í andlit þeirra er Kolbeinn Kárason skoraði glæsilegt skallamark eftir sendingu Rúnars Más á 75 mínútu. Staðan 3-1 fyrir Valsmenn. Þeir einum fleiri og tveimur mörkum undir. Blikarnir gáfust hinsvegar ekki upp og ógnuðu Valsmarkinu talsvert. Það kom því ekki á óvart þegar Þórður Steinar minnkaði muninn í 3-2 á 83 mínútu með hörkuskoti úr teig. Olgeir Sigurgeirsson sem hafði komið inn á skömmu áður dreif menn áfram og jafnaði hann loks leikinn á 85 mínútu, Blikarnir með öll völd og sigurmarkið hlaut að koma. Daninn Rhode virtist ætla að tryggja þeim sigur á 90 mínútu en klúðraði dauðafæri á markteig með ótrúlegum hætti. Ben Everson skoraði svo sigurmark Blika eftir klafs í teig Valsmanna á 91 mínútu. Kristján Guðmundsson þjálfari Valsmann hlýtur að vera virkilega ósáttur við varnaleik sinna manna síðasta stundarfjórðung leiksins. Kolbeinn Kárason og Rúnar Már á miðjunni voru bestu menn heimamanna auk þess sem Matthías Guðmundsson var ávallt hættulegur er hann fékk boltann í eyður. Af einhverjum ástæðum gáfu leikmenn liðsins alltof mikið eftir síðasta korterið og það má ekki gegn liði eins og Breiðablik. Blikaliðið lítur ágætlega út og náðu þeir betra spili út á velli en Valsmenn. Framherjinn Rhode hefði mátt vera meira inn í leiknum en þó skapaði hann alltaf hættu er hann fékk boltann. Ben Everson var mikið í boltanum og reyndi mikið en oftast án árangurs alveg þangað til í lokin. Besti maður vallarins var þó Þórður Steinar Hreiðarsson sem byraði leikinn í bakvarðastöðunni en færði sig svo framar á völlinn í seinni hálfleik. Þórður tók mikið til sín og skoraði gott mark og hann ásamt Olgeiri voru mennirnir á bakvið ótrúlegan lokakafla. Barátta þeirra og eljusemi hafði sitt að segja og má segja að þeir hafi hlaupið og barist tvöfalt og ekki mátti sjá á Blikaliðinu að þeir væri manni færri. Við þetta tap færast Valsmenn niður í 9 sæti og allir draumar um Evrópusæti virðast fjarlægir. Blikar hinsvegar eru sem endurfæddir með tilkomu nýrra sóknarmanna og með sóknarleik sem þessum ættu þeir að geta velgt hvaða liði sem er undir uggum. Ingvar Þór: Ég skil ekki þetta rauða spjaldIngvar Þór Kale, markvörður Blika, var mjög sáttur í leikslok og vildi ekki meina að um réttan vítaspyrnudóm væri að ræða en var því þeim mun sáttari með karakterinn sem liðið sýndi. „Gríðarlegur karakter hjá strákunum að klára þetta eftir lentum ósanngjarnt manni undir, þetta var aldrei víti en því miður lét dómarinn glepjast í þetta skiptið ég spurði nú Matta eftir leikinn hvern djöfulinn honum gengi til en hann vildi nú ekki svara mér. Ég skil þetta einfaldlega ekki og þetta er ekki fyrsta skiptið sem hann (Magnús Þórisson) rekur mig útaf. Ég er núna búinn að fá tvö fáranleg rauð spjöld hjá honum. Hann er nú kannski ekkert að leggja mig í einelti og dómarinn mat þetta bara svona núna og dómararnir gera nú mistök eins og við leikmennirnir. Liðið lítur vel út með tilkomu nýrra manna og nú erum við til alls líklegir og ég hef fulla trú að við náum einhverjum frá næsta leik gegn FH." Kristján Guðmunds: Bálreiður að missa niður 3-1 forskotMynd/Anton„Maður er bálreiður að missa niður 3-1 forskot því við vorum búnir að vinna vel fyrir því. Svo hættum við að hlaupa eftir að hafa náð þessu forskoti. Ég var ánægður með mestan part leiksins en sendingar voru þó ekki góðar. Við spiluðum góðan varnarleik og unnum návígi en svo hættum við síðasta korterið sérstaklega varnarlínan sem missti allt niður um sig," sagði Kristján Guðmundsson þjálfari Valsmanna. Við tekur erfiður leikur gegn KR í næstu umferð. „Það verður mjög erfiður leikur sérstaklega eftir að hafa lent í þessu. Við verðum að vera jákvæði og horfa á það að við spiluðum vel að hluta til og það kom okkur í 3-1 stöðu." Pepsi Max-deild karla Mest lesið Remy Martin ekki meira með í þessari úrslitakeppni Körfubolti Fengið nóg af því að vera ruslakista fyrir viðbjóð frá fólki Körfubolti „Af hverju þurfa þeir meiri athygli, er þetta ekki bara fínt?“ Körfubolti Courtois ekki með Belgíu á EM Fótbolti „Vantaði meiri breidd til þess að veita þeim harðari keppni“ Handbolti Dagskráin í dag: Stórleikir og stórstjörnur út um allt Sport Löwen í undanúrslit þrátt fyrir fína frammistöðu Orra Freys Handbolti LeBron gæti fengið sig lausan frá Lakers og verið án félags í sumar Körfubolti „Breytir einvíginu ansi mikið“ Körfubolti „Náðum að stilla spennustigið betur í hálfleik“ Handbolti Fleiri fréttir „Vestri hefur verið að taka leikhlé“ „Þú veist alveg svarið við þessu“ Víkingar bjóða Grindvíkingum í Víkina á morgun Félögin sömdu um að banna Sigurbergi að spila Gáttaðar á því að fyrirliði Víkings var settur á bekkinn Guy Smit sendir frá sér afsökunarbeiðni Keflavík og Aftureldingu spáð sigri í Lengjudeildunum Bara Eiður Smári og Bjargvætturinn höfðu skorað fyrir sextán ára afmælið Sjáðu ungar hetjur bjarga Fram og Stjörnunni Hundfúll og ýtti ungum KR-krökkum frá sér: „Ekki fallegt að sjá“ Valur sýndi Berglindi meiri áhuga en Breiðablik „Við eigum að geta varist föstum leikatriðum“ „Það er mikill efniviður í Fram“ Uppgjör, viðtöl og myndir: Valur - Fram 1-1 | Ungir Framarar halda áfram að stela senunni Uppgjör og viðtöl: Fylkir - Stjarnan 0-1 | Stjörnumenn stálu öllum stigunum „Nú verður Edda brjáluð þegar ég hitti hana næst“ Áfall fyrir Vestra: Eiður Aron brotinn og lengi frá Fyrstir í sautján ár til að vinna fjóra fyrstu leikina tvö ár í röð Tvær skráðar með sama númer á skýrslu og sú rétta fékk ekki markið Saman á ný eftir súrrealískan dag: „Við erum eins og lím við hvorn annan“ Sjáðu dramatíkina í fyrsta grasleiknum á KR-vellinum og öll hin mörkin „Mér leið eins og ég væri í Keanu Reeves mynd“ „Röng ákvörðun af minni hálfu og ég tek fulla ábyrgð“ Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum „Veit ekki af hverju ég ætti að vera að láta mig detta“ Uppgjör: Víkingur - KA 4-2 | Ekkert fær meistarana stöðvað Davíð Smári: Ekki okkar besta frammistaða Uppgjör og viðtöl: ÍA-FH 1-2 | FH-ingar sóttu sigur á Skagann „Björn Daníel sagði mér að skjóta“ Uppgjör og viðtöl: Vestri - HK 1-0 | Benedikt tryggði Vestra annan sigurinn í röð Sjá meira
Leikur Vals og Breiðabliks í 14 umferð Pepsídeildar karla fer líklegast í sögubækurnar með þeim ótrúlegri sem spilaðir hafa verið hér á landi á seinni árum. Gestirnir úr Kóparvogi höfðu dramatískan 3-4 sigur eftir að hafa lent manni undir og 3-1 undir. Lið Breiðabliks sem hingað til hefur gengið erfiðlega að skora tóks hið ómögulega og skoraði þrjú mörk á síðustu sjö mínútum leiksins. Leikurinn var í jafnvægi í fyrri hálfleik. Gestirnir úr Kóparvogi þó ívið sterkari. Einar mark fyrri hálfleiksins skoruðu hinsvegar heimamenn í Val, var þar að verki Kolbeinn Kárason sem kom boltanum yfir línuna eftir sókn upp hægri kantinn. Staðan 1-0 þegar leikmenn liðanna gengu til búningsherbergja. Seinni hálfleikur var hinsvegar mun fjörugri og skiptust liðin á að sækja. Ákveðin vendipunktur varð í leiknum á 65. mínútu þegar Matthías Guðmundsson slapp einn inn fyrir vörn Breiðabliks eftir stungusendingu Rúnars. Ingvar Kale óð út gegn Matthíasi og virtist fella hann. Magnús Þórisson dæmdi víti og var nauðugur einn sá kostur að vísa Ingvari af velli. Á punktinn steig Rúnar Már Sigurjónsson og brást honum ekki bogalistinn. 2-0 fyrir Valsmenn og staðan dökk hjá Blikunum. Það var því aðeins eitt í stöðunni hjá Blikum, að koma sér strax inn í leikinn. Kristinn Jónsson brást vel við mótlætinu og skoraði mark beint úr hornspyrnu á 70 mínútu, klaufalegt hjá Ólafi í marki Vals en eflaust hefur vindurinn eitthvað tekið í boltann. Við markið efldust Blikarnir og var það því sem blaut tuska í andlit þeirra er Kolbeinn Kárason skoraði glæsilegt skallamark eftir sendingu Rúnars Más á 75 mínútu. Staðan 3-1 fyrir Valsmenn. Þeir einum fleiri og tveimur mörkum undir. Blikarnir gáfust hinsvegar ekki upp og ógnuðu Valsmarkinu talsvert. Það kom því ekki á óvart þegar Þórður Steinar minnkaði muninn í 3-2 á 83 mínútu með hörkuskoti úr teig. Olgeir Sigurgeirsson sem hafði komið inn á skömmu áður dreif menn áfram og jafnaði hann loks leikinn á 85 mínútu, Blikarnir með öll völd og sigurmarkið hlaut að koma. Daninn Rhode virtist ætla að tryggja þeim sigur á 90 mínútu en klúðraði dauðafæri á markteig með ótrúlegum hætti. Ben Everson skoraði svo sigurmark Blika eftir klafs í teig Valsmanna á 91 mínútu. Kristján Guðmundsson þjálfari Valsmann hlýtur að vera virkilega ósáttur við varnaleik sinna manna síðasta stundarfjórðung leiksins. Kolbeinn Kárason og Rúnar Már á miðjunni voru bestu menn heimamanna auk þess sem Matthías Guðmundsson var ávallt hættulegur er hann fékk boltann í eyður. Af einhverjum ástæðum gáfu leikmenn liðsins alltof mikið eftir síðasta korterið og það má ekki gegn liði eins og Breiðablik. Blikaliðið lítur ágætlega út og náðu þeir betra spili út á velli en Valsmenn. Framherjinn Rhode hefði mátt vera meira inn í leiknum en þó skapaði hann alltaf hættu er hann fékk boltann. Ben Everson var mikið í boltanum og reyndi mikið en oftast án árangurs alveg þangað til í lokin. Besti maður vallarins var þó Þórður Steinar Hreiðarsson sem byraði leikinn í bakvarðastöðunni en færði sig svo framar á völlinn í seinni hálfleik. Þórður tók mikið til sín og skoraði gott mark og hann ásamt Olgeiri voru mennirnir á bakvið ótrúlegan lokakafla. Barátta þeirra og eljusemi hafði sitt að segja og má segja að þeir hafi hlaupið og barist tvöfalt og ekki mátti sjá á Blikaliðinu að þeir væri manni færri. Við þetta tap færast Valsmenn niður í 9 sæti og allir draumar um Evrópusæti virðast fjarlægir. Blikar hinsvegar eru sem endurfæddir með tilkomu nýrra sóknarmanna og með sóknarleik sem þessum ættu þeir að geta velgt hvaða liði sem er undir uggum. Ingvar Þór: Ég skil ekki þetta rauða spjaldIngvar Þór Kale, markvörður Blika, var mjög sáttur í leikslok og vildi ekki meina að um réttan vítaspyrnudóm væri að ræða en var því þeim mun sáttari með karakterinn sem liðið sýndi. „Gríðarlegur karakter hjá strákunum að klára þetta eftir lentum ósanngjarnt manni undir, þetta var aldrei víti en því miður lét dómarinn glepjast í þetta skiptið ég spurði nú Matta eftir leikinn hvern djöfulinn honum gengi til en hann vildi nú ekki svara mér. Ég skil þetta einfaldlega ekki og þetta er ekki fyrsta skiptið sem hann (Magnús Þórisson) rekur mig útaf. Ég er núna búinn að fá tvö fáranleg rauð spjöld hjá honum. Hann er nú kannski ekkert að leggja mig í einelti og dómarinn mat þetta bara svona núna og dómararnir gera nú mistök eins og við leikmennirnir. Liðið lítur vel út með tilkomu nýrra manna og nú erum við til alls líklegir og ég hef fulla trú að við náum einhverjum frá næsta leik gegn FH." Kristján Guðmunds: Bálreiður að missa niður 3-1 forskotMynd/Anton„Maður er bálreiður að missa niður 3-1 forskot því við vorum búnir að vinna vel fyrir því. Svo hættum við að hlaupa eftir að hafa náð þessu forskoti. Ég var ánægður með mestan part leiksins en sendingar voru þó ekki góðar. Við spiluðum góðan varnarleik og unnum návígi en svo hættum við síðasta korterið sérstaklega varnarlínan sem missti allt niður um sig," sagði Kristján Guðmundsson þjálfari Valsmanna. Við tekur erfiður leikur gegn KR í næstu umferð. „Það verður mjög erfiður leikur sérstaklega eftir að hafa lent í þessu. Við verðum að vera jákvæði og horfa á það að við spiluðum vel að hluta til og það kom okkur í 3-1 stöðu."
Pepsi Max-deild karla Mest lesið Remy Martin ekki meira með í þessari úrslitakeppni Körfubolti Fengið nóg af því að vera ruslakista fyrir viðbjóð frá fólki Körfubolti „Af hverju þurfa þeir meiri athygli, er þetta ekki bara fínt?“ Körfubolti Courtois ekki með Belgíu á EM Fótbolti „Vantaði meiri breidd til þess að veita þeim harðari keppni“ Handbolti Dagskráin í dag: Stórleikir og stórstjörnur út um allt Sport Löwen í undanúrslit þrátt fyrir fína frammistöðu Orra Freys Handbolti LeBron gæti fengið sig lausan frá Lakers og verið án félags í sumar Körfubolti „Breytir einvíginu ansi mikið“ Körfubolti „Náðum að stilla spennustigið betur í hálfleik“ Handbolti Fleiri fréttir „Vestri hefur verið að taka leikhlé“ „Þú veist alveg svarið við þessu“ Víkingar bjóða Grindvíkingum í Víkina á morgun Félögin sömdu um að banna Sigurbergi að spila Gáttaðar á því að fyrirliði Víkings var settur á bekkinn Guy Smit sendir frá sér afsökunarbeiðni Keflavík og Aftureldingu spáð sigri í Lengjudeildunum Bara Eiður Smári og Bjargvætturinn höfðu skorað fyrir sextán ára afmælið Sjáðu ungar hetjur bjarga Fram og Stjörnunni Hundfúll og ýtti ungum KR-krökkum frá sér: „Ekki fallegt að sjá“ Valur sýndi Berglindi meiri áhuga en Breiðablik „Við eigum að geta varist föstum leikatriðum“ „Það er mikill efniviður í Fram“ Uppgjör, viðtöl og myndir: Valur - Fram 1-1 | Ungir Framarar halda áfram að stela senunni Uppgjör og viðtöl: Fylkir - Stjarnan 0-1 | Stjörnumenn stálu öllum stigunum „Nú verður Edda brjáluð þegar ég hitti hana næst“ Áfall fyrir Vestra: Eiður Aron brotinn og lengi frá Fyrstir í sautján ár til að vinna fjóra fyrstu leikina tvö ár í röð Tvær skráðar með sama númer á skýrslu og sú rétta fékk ekki markið Saman á ný eftir súrrealískan dag: „Við erum eins og lím við hvorn annan“ Sjáðu dramatíkina í fyrsta grasleiknum á KR-vellinum og öll hin mörkin „Mér leið eins og ég væri í Keanu Reeves mynd“ „Röng ákvörðun af minni hálfu og ég tek fulla ábyrgð“ Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum „Veit ekki af hverju ég ætti að vera að láta mig detta“ Uppgjör: Víkingur - KA 4-2 | Ekkert fær meistarana stöðvað Davíð Smári: Ekki okkar besta frammistaða Uppgjör og viðtöl: ÍA-FH 1-2 | FH-ingar sóttu sigur á Skagann „Björn Daníel sagði mér að skjóta“ Uppgjör og viðtöl: Vestri - HK 1-0 | Benedikt tryggði Vestra annan sigurinn í röð Sjá meira