Þekktir gegn forsetanum - "Hvernig skráir maður sig út úr þessari vitleysu?“

Stofnað hefur verið til hóps á Facebook þar sem ýmsir einstaklingar ræða „betri valkosti í næsta forsetakjöri" eins og það er orðað í yfirlýsingu hópsins. Þeir sem standa að síðunni eru ekkert sérstaklega hrifnir af ákvörðun Ólafs Ragnars Grímssonar, sem hefur ákveðið að bjóða sig fram til fimmta kjörtímabilsins sem forseti.

Yfir þúsund manns eru skráðir í hópinn, þar á meðal Vilhjálmur Þorsteinsson, stjórnarformaður CCP. Marinó G. Njálsson, formaður Hagsmunasamtaka heimilanna. Hallgrímur Helgason rithöfundur, Bergur Ebbi Benediktsson, uppistandari í Mið-Íslandi og Sóley Tómasdóttir, borgarfulltrúi Vinstri grænna.

Þess verður að geta að þessir aðilar eru þó ekki virkir á vefsíðunni, en hver sem er getur bætt Facebook-notendum inn í svona hópa.

Hinir virku er meðal annars ristjórinn Jónas Kristjánsson, Bryndís Ísfold Hlöðversdóttir og Þorfinnur Ómarsson, en sá síðastnefndi tekur meðal annars þátt í fjörugum umræðum á síðunnn.

Formaður Félags íslenskra bókaútgefenda, Kristján B. Jónasson, leggur svo óvænt orð í belg á síðunni. Þar spyr hann:

„Hvernig skráir maður sig út úr þessari vitleysu?"

Það má því gera ráð fyrir því að sumir meðlimir hópsins séu þar gegn sínum vilja. Hægt er að skoða síðuna með því að ýta á þennan hlekk.