Óvanalegt andrúmsloft á Selfossi í nótt

Lögreglan á Selfossi hafði í nógu að snúast í nótt. Lögreglumenn voru þrisvar kallaðaðir til þegar til handalögmála kom á skemmtistöðum bæjarins.

Tilkynnt var um slagsmál við Hvíta Húsið stuttu eftir miðnætti. Mennirnir höfðu samið til friðar þegar lögreglan kom á staðinn.

Seinna um nóttina var tilkynnt um slagsmál við 800 bar. Var annar maðurinn með áverka og þurfti að kalla á sjúkrabíl.

Stuttu seinna var á ný tilkynnt um áflog við 800 bar. Lögregla mætti á staðinn og stillti til friðar.

Lögreglumaður á Selfossi sagði að nóttin hafi verið erilsöm og að óvanalegt andrúmsloft hafi verið í bænum í nótt.