Staðfest að Baumgartner rauf hljóðmúrinn

Staðfest hefur verið að austurríski ofurhuginn Felix Baumgartner rauf hljóðmúrinn í sögulegu frjálsu falli sínu úr 39 kílómetra hæð um helgina.

Þegar hraðinn var mestur á Baumgartner mældist hann 1.342 kílómetrar á klukkutímann sem er vel yfir hljóðhraðanum.

Hæðin sem Baumgatner stökk úr er við ytri mörk gufuhvolfsins og þegar þessi ofurhugi hóf stökk sitt sagði hann: Ég er á leiðinni heim.

Sjálft stökkið stóð yfir í fjórar mínútur og 19 sekúndur áður en Baumgartner lenti heilu og höldnu í Nýju Mexíkó.