Gyðja með gleraugu

Mad Men-leikkonan Christina Hendricks sýndi á sér nýja hlið á viðburði á vegum Specsavers í Sydney í Ástralíu á dögunum.

Christina hjálpaði til að við að hefja leitina að flottasta einstaklingnum með gleraugu í Ástralíu en hún var ansi reffileg sjálf með dökka, smekklega umgjörð sem fór andliti hennar vel.

"Ég held að gleraugu eigi að tjá persónuleika þinn. Ég vil eiga nokkur mismunandi pör svo ég geti parað þau við mismunandi dress. Gleraugu eru fylgihlutur og þau eru á andlitinu á þér! Þau eru það fyrsta sem fólk sér þegar það horfir á þig," segir Christina í samtali við ástralska Vogue.