Lóan sem sást í Hvalfjarðarsveit í gær er komin til að kveða burt snjóinn ef marka má veðurspá næstu daga. Hitinn gæti farið yfir fimmtán gráður á Norður- og Austurlandi um helgina.
Heiðlóa sást á vappi við bæinn Ytri Hólm í Hvalfjarðarsveit, skammt sunnan við Akranes og náði ljósmyndari frá Skessuhorni héraðsfréttablaði Vesturlands vorboðanum ljúfa á mynd sem virðist standa undir nafni því Óli Þór Árnason veðurfræðingur hjá Veðurstofu Íslands spáir nokkrum hlýindum um helgina.
„Það má búast við því að hitastigið gæti náð svona 8 til 10 gráðum víða hérna sunnan og vestantil. Á Norður- og Austurlandi gæti það farið í 8 til 12 stig," segir Óli Þór.
Hann gerir ráð fyrir þurru og björtu veðri á norður- og austurlandi en segir að íbúar á sunnan og vestanverðu landinu verði að sætta sig við nokkra vætukafla um helgina. Útlit er fyrir að það kólni aftur á mánudag en þar sem Lóan er nú komin til landsins er um að gera að vera bjartsýnn.
Lóan að kveða burt snjóinn - mikill hiti um helgina
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
