Einelti mælist minna í skólum Reykjavíkurborgar

Niðurstöður úr viðhorfskönnun foreldra grunnskólabarna sem lögð var fyrir í febrúar 2012 sýna að hlutfall þeirra foreldra sem segja barn sitt hafa lent í einelti í skólanum hefur lækkað mikið frá síðustu könnun 2010.

Þeir foreldrar sem sögðu barn sitt hafa lent í einelti í skólanum voru flestir ánægðir með hvernig skólinn tók á málinu en um 70% þeirra töldu skólann hafa unnið vel með málið. Um 80% foreldra töldu markvisst unnið eftir eineltisáætlun grunnskólans. Áfram telja yfir 90% foreldra að börnum þeirra líði alltaf eða oftast vel í skólanum og einungis um 0,2% eru því ósammála.

Samkvæmt janúarmælingu 2012 í Skólapúlsinum mælist einelti meðal nemenda í 6.-10.bekk heldur minna en í janúar 2011 eða að jafnaði rétt um 3% nemenda í Reykjavík. Þetta er nær sama hlutfall og að meðaltali í skólum utan Reykjavíkur. Áfram mælist einelti minna í fjölmennari skólum.