Kæru á hendur Snorra í Betel vísað frá

Lögreglustjóraembættið á Akureyri hefur vísað kæru Péturs Maack forstöðusálfræðings á hendur Snorra Óskarssyni kennara í Brekkuskóla, sem jafnan er kenndur við Betel, frá. Pétur lagði fram kæru hjá lögreglunni á Akureyri fyrir síðustu helgi, vegna skrifa Snorra um samkynhneigða á bloggi sínu.

Þetta kemur fram á vef Vikudags á Akureyri. Þar er haft eftir fulltrúa hjá Sýslumanninum á Akureyri að niðurstaða embættisins sé að ummæli Snorra falli ekki undir brot á grein í almennum hegningarlögum, eða brot á öðrum ákvæðum hegningarlaga.