Fjölskylduhjálp Íslands selur föt í Kolaportinu

Fjölskylduhjálp Íslands hefur neyðst til að fækka matarúthlutunum í vetur vegna fjárskorts. Samtökin ætla næstu þrjár helgar að selja föt í Kolaportinu til að stækka matarsjóðinn en hátt í þrjátíu sjálfboðaliðar á öllum aldri koma að verkefninu.

Fjölskylduhjálpin hefur leigt sér fjóra bása í Kolaportinu um er að ræða ný og gömul föt sem einstaklingar og fyrirtæki hafa gefið. Allur ágóðinn rennur í matarsjóðinn "Enginn án matar á Íslandi".

„Við erum í raun að breyta notuðum fötum og nýjum í matarpeninga. við gerum það með því að bjóða hér til sölu í Kolaportinu. Það eru allir mjög hjálplegir og þetta hefur bara gengið vel. við reynum að stilla verðum í hóf og það er hægt að prútta við okkur," sagði Ásgerður Jóna Flosadóttuir, formaður Fjölskylduhjálpar Íslands.

Um tuttugu um fimm sálfboðaliðar standa vaktina í kolaportinu og eru þeir á öllum aldri.

Fjölmargir landsþekktir tónlistarmenn ætla að leggja hönd á plóg til að styrkja verkefnið og stemning var ekki af verri endanum í dag.