Fimm hundar útskrifuðust úr lögregluskólanum í dag

Fimm hundar útskrifuðust úr lögregluskólanum í dag, þar af þrír fíkniefnaleitarhundar frá lögreglu, einn frá Fangelsismálastofnun og þá útskrifaðist sprengjuleitarhundur hjá sérsveit ríkislögreglustjóra.

Í dag lauk starfsleyfisúttekt ríkislögreglustjóra og Lögregluskóla ríkisins fyrir hundaþjálfara og hunda löggæslu í samstarfi við tollgæsluna. Kennarar á námskeiðinu komu frá lögreglu og tollgæslu.

Fíkniefnaleitarhundar eru nú hjá lögreglunni í Borgarnesi, Vestmannaeyjum, á Blönduósi, Akureyri, Eskifirði, Selfossi og Suðurnesjum. Þá er fíkniefnaleitarhundur í fangelsinu að Litla-hrauni og hjá tollgæslunni en mikil samvinna er á milli þessara löggæslustofna varðandi fíkniefnaleitarhunda.