Miðaldra kona trylltist á slysadeild

Kona á miðjum aldri, trylltist á slysadeild Landspítalans í nótt og hótaði starfsfólki og lögreglu með skærum, sem hún hrifsaði úr vasa starfsmanns.

Lögreglan náði að yfirbuga hana áður en hún ynni nokkrum mein og er hún vistuð í fangageymslu. Upphaflega var hún handtekinn í apóteki, þar sem hún lét dólgslega.

Hún var í svo annarlegu ástandi að lögregla ákvað að láta skoða hana á slysadeild, þar sem málið vatt upp á sig, eins og áður sagði.

Önnur kona í annarlegu ástandi var handtekin á Umferðarmistöðinni og flutt á slysadeild, þaðan sem hún var líka flutt í fangageymslur.