Anita og uppvakningarnir

Tvær nýjar stiklur úr kvikmyndum sem skarta Anitu Briem í stórum hlutverkum eru komnar á netið.

Þetta eru kvikmyndirnar Dylan Dog: Dead of Night og You Me & The Circus. Fyrrnefndu myndarinnar hefur verið beðið með mikilli eftirvæntingu á Ítalíu enda er hún byggð á ítalskri myndasögu um einkaspæjara sem hefur hæfileika til að kljást við vampírur og uppvakninga.

Meðal mótleikara Anitu í myndinni eru Brandon Routh en hún verður frumsýnd á Ítalíu í næsta mánuði. Sjá má sýnishornið úr henni hér fyrir ofan.