Skipað að sjá eigin myndir

Sálfræðingur leikarans Jesse Eisenberg hefur skipað honum að horfa aftur á sínar eigin kvikmyndir því hann þurfi að bera virðingu fyrir starfi sínu.

Eisenberg var nýlega tilnefndur til Óskarsins fyrir hlutverk sitt í The Social Network. Hann þolir ekki að horfa á sjálfan sig leika og finnst hann alveg ómögulegur á hvíta tjaldinu. Þessu vill sálfræðingurinn breyta. Eisenberg á einnig erfitt með að taka hrósi fyrir frammistöðu sína.

„Því fleiri sem segja góða hluti um mig þeim mun meira finnst mér það vera algjört rugl," sagði hann.