Rukkar meira

Það hefur ýmsa kosti að vera í sambandi með frægri Hollywood-leikkonu líkt og Justin Theroux, kærasti Jennifer Aniston, hefur komist að. Í hans tilfelli eru kostirnir aukin frægð og hærri tekjur.

Theroux er nú talinn nógu frægur til að geta farið fram á 10 milljónir dollara fyrir hverja kvikmynd sem hann leikur í. „Hann er kominn á „A-listann“ svokallaða og talinn nógu frægur til að draga að áhorfendur og það er allt Jennifer að þakka. Justin hefur verið að leika í mörg ár en það var ekki fyrr en hann byrjaði með Jennifer að fólk fór að þekkja hann,“ var haft eftir heimildarmanni.