Nálgunarbann eftir grófa árás

Héraðsdómur Reykjavíkur hefur úrskurðað að karlmaður skuli sæta brottvísun af heimili fyrrverandi eiginkonu sinnar og nálgunarbanni í fjórar vikur, eftir að hann hafði gengið í skrokk á henni með þeim afleiðingum að hún fékk meðal annars heilahristing.

Konan hlaut alvarlega áverka. Auk heilahristingsins var hún mjög marin og bólgin í andliti og aum víða um líkamann. Maðurinn kærði úrskurð héraðsdóms um brottvísunina og nálgunarbannið til Hæstaréttar. Dómurinn taldi bresta heimild til að kæra úrskurðinn og vísaði málinu því frá.- jss