Bollywood-stjarna með DiCaprio

Leonardo DiCaprio hefur ansi mörg járn í eldinum um þessar mundir. Fyrir utan að vera kominn með nýja kærustu, Blake Lively, hefur hann nýlokið við að leika í kvikmyndinni J. Edgar í leikstjórn Clints Eastwood, en margir spá því að hún verði í Óskarsbaráttunni þetta árið. Hann er síðan að fara leika í Baz Luhrman-myndinni The Great Gatsby sem byggir á samnefndri skáldsögu F. Scott Fitzgerald.

Og nýverið var tilkynnt að DiCaprio hefði fengið virtan mótleikara því Bollywood-stjarnan Amitabh Bachanan verður í leikarahópnum. Bachanan er gríðarlega vinsæl á Indlandi og margir muna eftir þeirri múgæsingu sem greip munaðarleysingjana í Viltu vinna milljarð?-myndinni þegar Bachanan heimsótti fátækrahverfið. Tökur á myndinni eru að hefjast í Sydney.