Travolta-hjónin sameinuð á hvíta tjaldinu

Leikarinn John Travolta, eiginkona hans Kelly Preston og dóttir þeirra Ella Bleu sameinast öll á hvíta tjaldinu í kvikmynd um mafíuforingjann John Gotti, Gotti: Three Generations. Þetta kom fram á blaðamannafundi í vikunni þar sem leikaralisti myndarinnar var kynntur en tökur eru að hefjast þessa dagana.

Ella Bleu sem er 11 ára hefur áður leikið með föður sínum í myndinni Old Dogs en hún ku vera mjög spennt yfir þessu tækifæri. Þetta er samt í fyrsta sinn sem fjölskyldan leikur öll saman í mynd en síðastliðið haust eignuðust hjónin son sem eflaust fylgir fjölskyldunni á tökustað.