Reið út í Andre

Glamúrfyrirsætan Katie Price er stödd í Argentínu þar sem hún nýtur lífsins með nýjum kærasta. Price er þó dugleg að fylgjast með gangi mála heima á Englandi og gagnrýndi fyrrverandi eiginmann sinn, Peter Andre, fyrir að leyfa börnum þeirra að koma fram í sjónvarpsþætti hans.Price tjáði óánægju sína á Twitter-síðu sinni.

„Ég heyrði að einhver væri aftur að nota börnin mín í sjónvarpsþættinum sínum. Ætli þessi þáttur væri jafn vinsæll ef ekki væri fyrir börnin? Ég velti því einnig fyrir mér hvort þau fái borgað fyrir þátttöku sína í sjónvarpsþættinum?“ skrifaði Price á síðu sína.