Lopez fegurst í Hollywood

Bandaríska slúðurblaðið Peoples magazine tekur reglulega púlsinn á lesendum sínum og leyfir þeim að kjósa um hver sé flottastur í Hollywood. Jennifer Lopez virðist vera að ná aftur fyrri vinsældum vestanhafs eftir að hún tók fast sæti í dómaraliði Idol stjörnuleitarinnar en hún trónar nú á toppi listans yfir fegurstu stjörnurnar árið 2011. Aðspurð hvernig henni liði eftir þessa kosningu svaraði Lopez einfaldlega „Að vera falleg er hluti af minni vinnu. Ég er bara að vinna hana vel.“ Fast á hæla hennar kemur ungi sjarmörinn Zac Efron en hann hefur verið fastagestur listans síðan á unglingsaldri. Aðrir sem ná að komast á blað eru leikkonurnar Reese Witherspoon, Katie Holmes og Eva Longoria ásamt fyrrum hjónunum Ryan Reynolds og Scarlett Johanson.