Hlakkar til að hitta Sly

Harðjaxlinn Jason Statham getur ekki beðið eftir því að vinna aftur með Sylvester Stallone. Þeir unnu saman við The Expendables í fyrra og núna eru tökur á framhaldsmyndinni að hefjast í Búlgaríu eftir tvær vikur.

„Ég skemmti mér vel með Sly. Það verður gaman að vinna með honum aftur,“ sagði Statham. Staðfest hefur verið að Dolph Lundgren og Mickey Rourke endurtaki hlutverk sín í The Expendables 2.

Orðrómur um að John Travolta, Jean-Claude Van Damme og sjálfur Chuck Norris leiki í myndinni hefur einnig verið uppi.